Hreðavatn 3. ágúst 2013

Leiðindarok við Hreðavatn.

---

Það fer fáum sögum af veiðiskap þetta sumarið enda hefur enginn tími gefist til veiða. Við hjónin gáfum okkur þó tíma til að dvelja eina helgi í Brautarlæk í byrjun ágúst. Veðrið var svo sem ekkert sérstakt en okkur langaði til að bleyta í færi. Við fórum í leiðinda roki í Hreðavatn á laugardagskvöldinu. Veiðin var engin en þörfinni fyrir útiveru var svalað. Á myndinni er horft yfir vatnið í austurátt. Sennilega er það Hallarmúlinn sem kvöldsólin fellur svona skemmtilega á.