Brautarlækjarannáll 2015
- Þorkell Daníel Jónsson
- Aug 15, 2015
- 1 min read
Brautarlækjarannáll 4.- 11. júlí 2015
Við komum við í Brautarlæk þann 18. apríl til að setja rafmagnið á. Gistum ekki. Komum síðan ekki aftur fyrr en í júlí.
Stöðug norðanátt og töluvert hvöss. Slógum grasbleðilinn við úsið og grasbalann við lækinn. Dagbókarritari skrapp í Hítarvatn og hafði fimm urriða upp úr því krafsi. Lilja og dagbókarritari skruppu síðan í Hreðavatn. Tilgangurinn var að kenna Lilju að kasta flugu. Fimm litlir silungar komu á land. Átta laxar lágu undir brúnni og Lappi fann örugglega lyktinga af þeim. Slógum lúpínuna á hólnum.
Brautarlækjarannáll 14. - 18. júlí 2015
Hún er ergjandi þessi þaulsætna norðanátt. Mikill snjór er enn í Baulunni. Við höfum ekkert gert að gagni í þessari ferð. Röltum meðfram ánni og kíktum eftir laxi og hann vantaði sko ekki. Töldum eina tuttugu í brúarhylnum í sviphendingu.
Á fimmtudeginum fóru ég, Guðrún og Lilja í Hólmavatn og náðum tveimur urriðum í kuldanum. Annan dag fórum við í Tangavatn og þar setti Lilja í stóra bleikju sem hún því miður missti. Rifum upp lúpínu við lækinn í norðausturhorninu.
Pípulagnir 7. - 9. ágúst 2015
Við síðustu brottför gleymdi ég að slökkva á brunndælunni og þegar við Guðrún komum í hús á föstudeginum var vatn á gólfinu við uppþvottavélina. Kraninn sem hleypir vatninu út í holu hafði gefið sig. Það var eiginlega hundaheppni að ekki var allt á floti. Á laugardeginum skiptum við um kranann.
Við gerðum okkur ferð heiðarvatnið og veiddum vel. Norðaustanátt þega veiðar hófuns en hrein austanátt þegar þeim lauk.
Lokuðum síðan húsinu 25 október en gistum ekki.
Comments